Servizz.gov hija l-aġenzija tal-Gvern li tiġbor is-servizzi governattivi kollha fi ħdanha. Hija l-katina li torbot is-Servizz Pubbliku ta’ Malta maċ-ċittadin, bil-għan li s-servizzi governattivi jkunu iktar aċċessibbli.
Permezz ta’ Servizz.gov iċ-ċittadin jiffranka l-ħin u l-iskariġġ li jmur f’postijiet ċentrali bħall-Belt Valletta biex jinqeda.
Matul is-snin dejjem komplew jiżdiedu s-servizzi li jiġu offruti minn Servizz.gov, u għalhekk, Servizz.gov kabbar l-operat, u jmexxi 26 ċentru madwar Malta.
Servizz.gov huwa ukoll aċċessibli permezz tal-Freephone 153, tal-imejl
[email protected], kif ukoll permezz tal-website
www.servizz.gov.mt u l-mezzi tal-midja soċjali.
X’joffri Servizz.gov?
• Informazzjoni dwar servizz governattiv
• Titlob applikazzjoni jew servizz
• Titlob appuntament ma’ espert ta’ Servizz.gov
• Tibgħat ilment
• Tingħata suġġerimenti dwar servizzi tal-Gvern
Min jista’ juża Servizz.gov?
Kulħadd jista’ juża Servizz.gov. Servizz.gov huwa utli għal kull min għandu bżonn assistenza; kemm permezz ta’ komunikazzjoni wiċċ imb wiċċ, fuq it-telefon, l-Internet jew permezz ta’ maltapps.
Pubblikazzjonijiet
Rapport Annwali 2025 – Servizz.gov
Ir-Rapport Annwali 2025 ta' Servizz.gov ikopri l-inizjattivi u l-proġetti li saru. Ippubblikat f'April 2026.
Pubblikazzjonijiet Preċedenti
Wieħed jista' jaċċessa pubblikazzjonijiet preċedenti ta’ Servizz.gov minn
hawn.
